28.8 C
Скопје

Меѓународна организација на трудот: Пандемијата ги намали приходите за 3.500 милијарди долари

Приходите од труд во време на пандемијата во првите девет месеци од оваа година се намалени за 10,7 проценти на светско ниво или 3.500 милијарди долари, се вели во најновиот извештај на Меѓународната организација на трудот (МОТ).

Износот не вклучува субвенции за плати со кои владите ги компензираат работниците за загубите поради стопирањето на деловните активности за време на пандемијата и одговара на 5,5 проценти од глобалниот бруто домашен производ (БДП) во периодот од јануари до септември 2019 година, соопшти МОТ.

– Затворањето на бизнисите продолжува да ја нарушува состојбата на светските пазари на труд, што резултира со поголема загуба на работното време, отколку што првично се проценуваше”, стои во шестото издание на извештајот на МОТ за ефектите од пандемијата врз трудот.

Работниците во економиите во развој, особено оние кои се вработени на црно, се погодени многу потешко отколку во претходните кризи, соопшти агенцијата на ОН. Тие додаваат дека бројот на вработени жени бележи поголем пад одошто кај мажите.

– Мора да ги удвоиме напорите за борба против вирусот, но, исто така, да преземеме итни и одлучни активности за надминување на економските, на социјалните и на последиците од вработувањето што ги предизвика”, рече директорот на МОТ, Гај Рајдер и дополни дека тоа вклучува натамошни грантови за работни места, за бизниси и за приход.

Само во вториот квартал се загубени 17,3 проценти од работните часови, што е еквивалентно на 495 милиони работни места со полно работно време, пресметале во МОТ. Во претходниот извештај, тие проценуваа дека се изгубени 14 проценти од работните часови или 400 милиони работни места.

Тие очекуваат 12,1 проценти загубени работни часови во третиот квартал, што е еквивалентно на 345 милиони работни места.

Поврзани вести

Блокада во Лисабон: Голем број на заразени граѓани со делта варијанта на ковид-19

Слободен печат

Германските власти повикуваат на забрана за знамето на Хамас

Слободен печат

Уапсен маж кој силувал 13-годишно девојче во Србија

Слободен печат

Захарова: Санкциите против Русија ја покажуваат само неконкурентноста на САД

Слободен печат

Населбата Јака остана без канализација и со калливи улици

На „Табановце“ за влез во државава се чека 20 минути

Слободен печат

Остави Коментар