Поминаа четири месеци откако Меган Маркл и Кејт Мидлтон со своите сопрузи се појавија заедно на некој настан. Сепак, Денот на сеќавањето на жртвите од Првата и од Втората светска војна не можеа да го пропуштат и покрај нетрпеливоста меѓу двајцата принцови.

Со оглед на изборот на аутфитот, се чини дека и војвотките се натпреварувале, но на посуптилен начин.

За оваа прилика припадниците на кралското семејство мора да носат темна облека, па обично се облекуваат во црна или темносина боја.

Меган се појавила во црн фустан од раскошен брокат со нешто потворено деколте, кое предизика големо внимание. Носела темно сини салонки од брендот „Deneuve“, кои чинат 620 фунти и црна ташна.

Поради моделот на фустанот што го носеше, низ медиумите веќе почнаа да се шират шпекулации дека Меган е бремена.

Нешто поконзервативната Кејт облекла многу едноставен темносин фустан, кој ја истакнувал нејзината витка линија, а за тоа придонел и елегантниот црн каиш од плиш. Комбинацијата ја надополнила со држач за коса од популарен шпански бренд од 20 евра, кој е еден од водечките трендови сезонава.