Меган Маркл за забраната на абортус: Хари е феминист
Меган Маркл ја коментираше одлуката на Врховниот суд заодземање на уставното право на абортус во некои држави во САД.
„Никој не треба да биде принуден да донесе одлука што не сака да ја донесе, или не е сигурен или си го доведува животот во опасност. Искрено, без разлика дали се работи за жена која е доведена во незамислива ситуација, жена која не е подготвена да основа семејство, па дури и двојка која заслужува да го планира своето семејство на начин што ќе има најголема смисла за неа, се работи за тоа дека мораат да имаат избор“, изјави Меган за магазинот „Вог“.
View this post on Instagram
Таа ги покани мажите да бидат дел од разговорот.
„Мажите треба да бидат гласни бидејќи тоа се одлуки кои влијаат на односите, семејствата и заедниците во целина. Можеби се насочени кон жените, но последиците нè засегаат сите нас. Мојот сопруг и јас разговаравме многу за ова во последните неколку дена. Тој е феминист“, призна војвотката.
View this post on Instagram
Меган Маркл се осврна и на абортусот што го претрпе во 2020 година, пред раѓањето на нејзината ќерка Лилибет.
„Знам какво е чувството на абортус, за што зборував и јавно. Колку повеќе го нормализираме разговорот за работи кои влијаат на нашите животи и тела, толку повеќе луѓето ќе сфатат колку е потребно да има заштита на секој чекор“, рече таа.
Инаку, Меган за првпат проговори за абортусот во колумна за „Њујорк Тајмс“.
„Да се изгуби дете значи да се носи речиси неподнослива тага, која многумина ја доживеале, но за која малку се зборува“, напиша таа во ноември 2020 година.
View this post on Instagram
Маркл откри дека тоа утро започнало како и секое друго.
„Откако му ја сменив пелената на Арчи, почувствував остар грч. Се симнав на подот со него во раце, му потпевнував приспивна песна за двајцата да бидеме мирни, веселата мелодија беше во целосна спротивност со моето чувство дека нешто не е во ред… Знаев, додека го држев своето првородено дете, дека го губам второто…“, тогаш изјави таа.