„Им оддаваме почест на сите мајки. Оние кои биле, кои се и оние кои ќе бидат. Им честитаме на сите. Денес е Ден на мајката во Америка, Канада, Австралија, Јужна Африка, Кенија, Јапонија и во земји во дел од Европа. Ова е првиот Ден на мајката на војвотката од Сасекс“, стои во објавата на инстаграм-профилот ‘Duchess of Sussex’.

За оваа посебна пригода, Меган и принцот Хари споделија нова фотографија на Инстаграм, покажувајќи ги ноџињата на нивното бебе. Со фотографијата исто така ѝ се оддава почит и на мајката на Хари, принцезата Дајана. На сликата која е направена во нивниот дом во Виндзор, омиленото цвеќе на Дајана, познато како „незаборав“, може да се види во позадината.

Објавата за помалку од еден час собрала повеќе од половина милион лајкови, а луѓето ширум светот на војвотката ѝ го честитаа Денот на мајката.