Војвотката од Сасекс и сопруга на принцот Хари, Меган Маркл победи на судскиот процес против „Associated Newspapers“ по цели две години.

„Меган Маркл имаше разумни очекувања дека содржината на писмата ќе остане приватна, а она што се пишуваше ги прекршија тие очекувања“, рече судијата Марк Ворби.

За потсетување, пред две години, Меган му испрати приватно и емотивно писмо на својот татко кој живее во Мексико. Делови од писмата беа објавени од таблоидите Mail on Sunday“ и „MailOnline“ во сопственост на „Assoicated Newspapers“.

„Му благодарам на судот што побара одговорност од тие весници за нивните незаконски дела и дехуманизација“, изјави Маркл.

Таа додаде дека парите што ќе ги добие преку решавање на судскиот спор ќе бидат донирани во добротворни организации кои се борат против врсничкото насилство, пишува „NBC News“.

Во текот на судењето на виделина излегоа и документи кои сведочат за твдењето на Меган дека се чувствувала незаштитена од страна на кралското семејство додека била во центарот на вниманието за време на нејзината бременост.

Беа прикажани и пораките на принцот Хари до нејзиниот татко, неколку дена пред нивната венчавка, во кои го моли да престане да комуницира со медиумите.