Меган Маркл подготвува анимирана серија во продукција на „Netflix“ насловена „Pearl“ – „Бисер“. Имено, станува збор за заедничка продукција на компанијата на Хари и Меган „Archewell Productions“ и „Netflix“. Меган ќе биде во улога на продуцент, пренесува „Deadline“.

Серијата ги следи авантурите на 12-годишно девојче, кое наоѓа инспирација кај разни влијателни жени низ историјата. Заедно со Меган, во продукцијата се и Дејвид Фурниш, Каролин Сопер, Лиз Гарбус и Дан Коган. Извршен продуцент е Аманда Ринда.

 

View this post on Instagram

 

A post shared by Archewell by Harry and Meghan (@archewell_hm)

„Како и многу девојки на нејзина возраст, нашата хероина тргнува на пат кон самооткривање додека се обидува да ги надмине секојдневните животни предизвици. Воодушевена сум што „Archewell Productions“, во партнерство со моќната платформа „Netflix“ и овие неверојатни продуценти ќе создадат нова анимирана серија која ги слави извонредните жени низ историјата“, посочи Меган.

Меган и принцот Хари потпишаа повеќемилионски договор со стриминг сервисот „Netflix“ пред неколку месеци и се шушкаше дека нивниот прв проект ќе биде документарната серија „Heart of Invictus“. Хари требаше да се појави пред камерите на таа документарна серија, но снимањето на истата беше одложено за неколку месеци.