Меган и Хари регистрирале фирма за чорапи, дуксери, моливи…
Меган се збогува од потпетиците, од (здодевните) миди здолништа, и сега носи практична гардероба.
Меган Маркл и принцот Хари се „разведоа“ од кралското семејство. што е факт. Кралицата Елизабета Втора се налути, Чарлс се закани дека ќе им ги скрати буџетите за Сасекс, Вилијам рече дека е разочаран од неговиот помлад брат, а Кејт ја искористи ситуацијата за да се покаже во беспрекорна облека. Што е со Хари и Меган?!
Парот на револуцијата се чини дека не излезе губитник, напротив! Хари е прилично задоволен од нивната потрага по економска независност што ја надминува благосостојбата што ја доделува круната. Во прашање се многу проекти, како што откриваат британските медиуми, пред неколку недели војводата и војвотката од Сасекс веќе ја регистрирале својата марка „Сасекс Ројал“ на стотици производи и услуги. Вклучувајќи моливи, чорапи, па дури и дуксери.
Меган Маркл беше фотографирана за време на прошетка во Ванкувер. Вниманието на медиумите таа го предизвика со нејзиниот потполно нов изглед. Меган се збогува од потпетиците, од (здодевните) миди здолништа и шик палта, и сега носи практична гардероба. При прошетката, Меган е овековечена во црни хеланки, маичка и тренерки. И чевли за кои никогаш не би сонувала да ги покаже за време на службените должности како принцеза. Изгледот е надополнет со воено- зелена волнена капа, додека косата ѝ е врзана во странична плетенка. Со неа го носи и Арчи, а со нив се и саканите кучиња Оз и Гај.
И што е најважно – изгледа многу среќна!
