Медведев со пресврт триумфира на завршниот Мастерс

Русинот Данил Медведец е нов шампион на завршниот Мастерс турнир кој за последен пат се играше во Лондон откако во финалето го победи Доминик Тим.

Русинот во големото финале на завршниот Мастерс преку пресврт дојде до најголемата победа оваа сезона и тоа со 4:6,7:6,6:4 по два часа и 45 минути игра.

Ова е прв трофеј за Медведев на завршниот Мастерс турнир, а втор сезоната и вкупно девети во кариерата.

Интересно е што Русинот стана првиот тенисер кој на завршниот турнир ги победил најдобрите тројца носители, Новак Ѓоковиќ, Рафаел Надал и Доминик Тим. Тој Ѓоковиќ го совлада во групната фаза, Надал во полуфиналето и сега во финалето беше подобар од Тим.


Првиот сет беше решен само со еден брејк, во петтиот гем и него го направи Тим по што до крајот на сетот со сигурен сервис не му даде шанса на Медведев да се врати во игра.
Вториот сет помина без ниту еден брејк, а во него и двајцата тенисери имаа по само две можности за такво нешто. Во одлучувачкиот гем, Тим поведе со 0:2, но рускиот тенисер ги освои наредните седум поени и дојде до израмнување на 1:1 во сетови.

Прочитајте и...  Навивачите во ограничен број се враќаат на стадионите во Англија

Во одлучувачкиот трет сет, Данил Медведев беше поодлучен во поените и во петтиот гем успеа да го одземе сервисот на противникот по што до крајот на сетот не му дозволи ниту една брејк шанса и сосема заслужено дојде до титулата.

Медведев до титулата дојде со сите пет победа, а протоа загуби само два сета.  Од наредната па се до 2025 година, завршниот Мастерс турнир ќе се игра во Торино.

 

Поврзани вести

АБА Лига: Црвена звезда го доби неизвесното вечно дерби со Партизан

Слободен печат

Саутемптон ја испушти победата против Вулверхемптон

Слободен печат

Лејкерси имаат пеколен план, идното лето доаѓа Јанис

Слободен печат

ВИДЕО: Сите одбрани на Митревски со кои ги излуде ракометарите на Спортинг

Слободен печат

Гвардиола ја означи првата мета во преодниот рок, и не е Меси

Слободен печат

Двојаковски нов кошаркар на Академија ФМП

Слободен печат

Остави Коментар