Медведев со пресврт до титулата на Мастерсот во Париз
Данил Медведев во големото финале го победи Александер Зверев со 5:7,6:4,6:1 во финалето на турнирот во Париз.
Рускиот тенисер кој цела недела играше одлично на Мастерсот во Париз, до првиот трофеј сезонава, а вкупно осми во кариерата, дојде со пресврт, односно со серија од освоени седум гемови во низа во завршницата од вториот и почетокот на третиот сет.
Medvedev Masters Paris ? ?#RolexParisMasters | @DaniilMedwed pic.twitter.com/CMuo8UUZPQ
— ROLEX PARIS MASTERS (@RolexPMasters) November 8, 2020
Во првиот сет и двајцата тенисери беа сигурни на свој сервис се до 11. гем и до водството на Зверев од 6:5. Тогаш на Медведев му падна концентрацијата на свој сервис и Зверев дојде до 0:40 и три сет топки. Русинот спаси две брејки топки, но не успеа и третата и на крајот Зверев поведе со 1:0 во сетови.
Во вториот сет, Медведев беше далеку подобар и поагресивен тенисер, а таквата игра вроди со плод во завршницата, односно направи брејк за 4:5 и потоа со сигурен сервис успеа да дојде до израмнување во сетови.
Но, тука не заврши серијата на Русинот, тој ги освои наредните четири гемови во одлучувачкиот сет и ги реши дилемите околу победникот.
