Медведев против Надал за титулата на „Австралија опен“

Данил Медведев го дели уште една победа до својата втора грен слем титула/Мелбурн, Австралија/28 јануари 2022/Фото: EPA-EFE/DEAN LEWINS

Данил Медведев го победи Стефанос Циципас со 3:1 (7:6, 4:6, 6:4, 6:1) и се пласираше во финалето на „Австралија опен“.

Противник на рускиот тенисер во битката за грен слем титулата во Мелбурн ќе биде Рафаел Надал кој претходно го елиминираше Матео Беретини.

Медведев во полуфиналето покажа постабилна игра од претходниот меч против Феликс Оже-Алијасим и можеби полесно од очекуваното го совлада Гркот.

Русинот на тој начин се пласираше во своето четврто грен слем финале во кариерата, а ќе се бори за своката втора грен слем титула во кариерата, првата ја освои лани на „УС Опен“.

Минатата година во финалето на „Австралија опен“ Медведев загуби од првиот светски рекет Новак Ѓоковиќ.

Видео на денот