Коронавирусот продолжува да го привлекува вниманието на светските медиуми. Смртоносниот вирус однесе најмалку 1.369 животи, а преку 60.000 луѓе се заразени.

Како што се претпоставува, ширењето на вирусот започна од кинескиот град Вухан, а властите во ваат земја на сите начин се обидуваат да го спречат ширењето на заразата, како и да им помогнат на инфицираните луѓе. Во рамки на тие мерки, Вухан, кој брои 11 милиони жители, ставен е под карантин. Дури и експресно беа изградени две болници чија намена е ислучиво згрижување на пациенти кои се заболени од вирусот.

Медицинските работници во Вухан работат деноноќно во борбата против оваа зараза, а на социјалните мрежи се рашири снимка како се шишаат поради коронавирусот. Како што велат, косата им пречи додека ја вршат својата работа, а стравуваат и евентуално да не се заразат преку косата.

Кинеските градови започнаа да се борат против ширењето на коронавирусот на нови начини, а меѓу нив е и дезинфекцијата на градовите. Новинската агенција „Синхуа“ објави видео-снимка на својот Твитер профил кадешто може да се забележат десетина камиони кои во градот Лоујанг распрскуваат спреј за дезинфекција и на тој начин помагаат да се спречи ширењето на вирусот.

Се појавија и информации дека некои фирми ги дезинфицираат и самите вработени при влезот на работа.