Мечот Вардар-Монпелје ќе се игра со ПРИСУСТВО на публика, но има препорака!
Одлуката е донесена пред се поради краткиот период за било каква промена, а со оглед на тоа што станува збор за меѓународна средба која е одамна закажана…
Македонскиот и европски шампион ги известува сите што купиле билети за натпреварот од Лигата на шампионите меѓу екипите на Вардар и Монпелје закажан за сабота (29 февруари) во СЦ „Јане Сандански“ дека мечот ќе се игра со присуство на публика.
Одлуката е донесена пред се поради краткиот период за било каква промена, а со оглед на тоа што станува збор за меѓународна средба која е одамна закажана, а и екипата на Монпелје е веќе пристигната во Скопје.
Препорака е да не се водат мали деца на натпреварот.
Натпреварот е закажан за 17,30 часот во СЦ „Јане Сандански”, безбедноста на натпреварот ќе биде во координација со други надлежни институции.
Ова е натпревар од последното 14. коло од групната фаза на ЛШ. Моментно на табелата Монпелје е на 4 место со 15 бода, еден помалку од Кјелце.
Традицијата е на страна на Вардар. Во досегашните осум натпревари, „црвено-црните” победиле на 6, еден дуел завршил нерешено а само еднаш загубија „црвено-црните“, и тоа во полуфиналето на Ф4 во Келн во 2018 година.
Во осминафиналето доколку Вардар го освои петтото место ќе го има за ривал Фленсбург и Алборг, а доколку е шестопласиран ќе се сретне со ПСЖ или Пик Сегед.