Меч за шаховски шампион: Цел поен за трпеливиот Карлсен по историски маратон од 136 потези

Непомњашчи и Карлсен на мечот во Дубаи/Фото: EPA-EFE/ALI HAIDER

Светскиот шампион Магнус Карлсен (рејтинг 2855) му одржа лекција по трпеливост и прецизност на рускиот предизвикувач Јан Непомњашчи (2782) и го принуди да се предаде по маратонски меч од седум часа и 136 потези.

По пет ремија во Дубаи, Карлсен го освои првиот цел поен во мечот за светски првак и сега има предност од 3,5-2,5.

Шестата партија стана историска, зашто Карлсен и Непомњашчи го соборија рекордот на Анатолиј Карпов и Виктор Корчној од 1978 година, кои одиграа 124 потези.

Партијата беше изедначена до средишницата, но Карлсен смело размени дама за два топа два пешака и потоа со трпелива и прецизна игра прво го заштити кралот и тргна незапирливо напред со двата слободни пешаци.

Непомњашчи утре може да возврати, водејќи ги белите фигури. За да му ја одземе титулата од Карлсен, мора да направи предност од два поена во преостанатите осум партии.

Видео на денот