Рајанг Гигс кој сега е селектор на Велс се надева дека неговата репрезентација може да „купи“ некои делови од играта која Јирген Клоп да внесе во Ливерпул.

„Црвените“ се на чекор до освојување на титулата во Премиер лигата каде досега имаат само еден пораз и две ремија, а кога ќе продолжи сезоната им се потребни само шест бода за да заврши 30-годишниот пост.

Гигс иако е легенда на Манчестер јунајтед, вели дека не може а да не признае дека играта со Ливерпул по доаѓањето на Јирген Клоп на клупата е инспиративна.

– Мислам дека тоа што го видовме од Ливерпул оваа сезона е оти станува збор за неверојатен тим кој го води одличен тренер како Јирген Клоп. Како навивач на Јунајтед ме боли да го кажам ова, но навистина тие имаат фантастична сезона.

Сезоната ќе продолжи и тие ќе ја освојат титулата која целосно ја заслужија. Тие немаа само една туку две брилијантни сезони, во ланската го притискаа Манчестер сити до последното коло. Навистина се неверојатен тим за гледање. Има неколку работи кои ги презедов од Ливерпул и сакам да ги вметнам во играта на Велс – вели Гигс.