7 C
Скопје

МД „Илинден”: Крајно некоректно е албанскиот министер Цакај сопствените жители Македонци да ги нарекува Бугари

Македонско друштво „Илинден”-Тирана изразува разочарување во врска со изјавата на овластениот албански министер за Европа и надворешни работи, Гент Цакај, дадена на средбата со бугарската министерка за надворешни работи, Екатерина Захариева во Софија.

Друштвото смета дека е несоодветна и недолична изјавата на Цакај, дека „бугарското етничко малцинство во Албанија служи како мост меѓу двата народа”, алудирајќи дека во Албанија живее бугарско малцинство.

-Македонско друштво “Илинден”-Тирана го потсетува Цакај, дека во Албанија и во регионите каде Бугарија ги лоцира, досега официјално Бугари нема и дека е крајно некоректно од министерот на Албанија да ги понижува и потценува сопствените жители Македонци намерно нарекувајќи ги Бугари. Јасно е дека, во односите меѓу Софија и Тирана, измислувањето на Бугарите во Албанија е направено со уцена заради албанското пристапување во Европската Унија, стои во реакцијата на друштвото.

Прочитајте и...  Во ковид-центрите во Скопје за 24 часа хоспитализирани осум пациенти, вкупно се лекуваaт 290

Во реакцијата се посочува дека до 2017 година, во ниту еден официјален попис или документ на Албанија немало и нема Бугари на територијата на Албанија, поради што друштвото смета дека е недозволиво висок државен функционер, како министер за надворешни работи, да ја злоупотребува позицијата за потценување на Македонците во Албанија, од кои „тој и неговата партија, на секои избори бараат гласови од Македонците”.

-Со последната изјава министерот Цакај, тој го навреди македонското малцинство во Албанија и искажа една историска лага за постоење на Бугари во Албанија. Со оглед на тоа што Европската Унија се декларира како демократски сојуз на држави, Македонско друштво „Илинден”-Тирана бара од европските институции да им наложат на бугарските власти она што го бараат од Албанија да го применат и кај себе во однос на постоечкото македонско малцинство во Бугарија. А за почеток, признавање на основните човекови права на Македонците во Бугарија, права кои важат за секој човек во светот, стои во реакцијата.

Прочитајте и...  Шкотската премиерка ветува нов референдум за независност доколку победи на изборите во мај

Истата пракса, според Македонско друштво “Илинден”-Тирана, треба да се примени и врз Грција која и во 21 век одбива да ги примени општите правила за однесување кон малцинствата на нејзина територија.

Македонско друштво „Илинден”-Тирана најостро ги осудува злоупотреба на правото на вето на Бугарија за членство на Албанија во Европската Унија што беше „основната изнуда за да во албанскиот Закон за заштита на националните малцинства донесен во 2017 година, покрај, Македонците, Грците, Власите, Ромите, Црногорците, Србите, Египќаните и Бошњаците, дa го впише и непостоечкото бугарско малцинство”.

 

Поврзани вести

Потпретседателот на НСОН, Ајдини со обвинување: Има притисоци од директори на училишта за отчленување од синдикатот

Слободен печат

Продолжува трендот на релативно висок број на новозаболени од Ковид-19 во Косово

Слободен печат

Собраниска комисија за здравство: Се расчистува патот за одобрение за ставање во промет на вакцините против ковид-19

Слободен печат

Русија му испраќа 24 милиони дози од својата вакцина на Мексико

Слободен печат

Турската и грчката делегација во Истанбул ја одржаа 61-та рунда технички преговори

Слободен печат

Средба на Заев со амбасадорката Галовеј: НАТО членството нека биде охрабрување за британските инвеститори да инвестираат во С. Македонија

Слободен печат

Остави Коментар