Мбапе за еден ден остана без 700.000 следбеници на Инстаграм
Килијан Мбапе одлучи да потпише нов договор со ПСЖ и да го остави со празни раце Реал Мадрид, а тој потег го чинеше намалување на бројот на следбеници на социјалните мрежи.
За само 24 часа откако јавно објави дека ќе потпише нов тригодишен договор со ПСЖ, Мбапе остана без 700.000 следбеници нна Инстаграм, а се очекува бројката на разочарани фанови на Реал Мадрид кои го „отследиле“ да дојде и до милион.
Kylian Mbappé a perdu 700 000 abonnés en 24h sur son compte Instagram.
(El Chiringuito) pic.twitter.com/ekFpdqvXpx
— BeFoot (@_BeFoot) May 23, 2022
Профилот на францускиот репрезентативец на Инстаграм го следат 71 милион фанови.
Со одлуката да остане уште три години на „Паркот на принцевите“, Мбапе ќе стане еден од најдоброплатените спортисти на светот. Неофицијално, француските медиуми шпекулираат дека Мбапе ќе има годишна плата од 100 милиони евра бруто, а само за потпис на договорот ќе добие бонус од неверојатни 300 милиони евра.