Францускиот весник „Ле Фигаро“ направи листа на најбрзи фудбалери во светот, а на првото место е напаѓачот на ПСЖ, Килијан Мбапе. Членот на париските „светци“ беше „фатен“ како трча со брзина од 36 км на час.

Ова можеби и не е изненадување, со оглед на тоа што тешко е да запрете овој фантастичен начин кој скоро секојдневно се поврзува со трансфер во редовите на Реал Мадрид.

Зад него на оваа листа е фудбалерот на Атлетик Билбао, Ињаки Вилијамс, кој се најде на второто место со максимална брзина од 35,7 км на час.

Mbappe tops 10 fastest footballers
Kylian Mbappe – 36km/h
Inaki Williams – 35.7km/h
Aubameyang – 35.5km/
Karim Bellarabi – 35.27km/h
Kyle Walker – 35.21km/h
Leroy Sane – 35.04km/h
Salah – 35km/h
Kingsley Coman – 35km/h
A.Odriozola – 34.99km/h
Nacho Fernandez – 34.62km/h pic.twitter.com/8wuocp8QdG

— [email protected] (@Aytalksoccerya1) April 16, 2020

Третото место му припадна на капитенот на Арсенал, Пјер-Емерик Обамејанг (35,5 км/час), четвртопласиран е Карим Белараби од Леверкузен (35,27 км/час).

Следуваат двајца играчи на Манчестер сити, Кајл Вокер (35,21 км/час) и Лирој Сане (35,04 км/час), а на седмата позиција е Мохамед Салах од Ливерпул (35 км/час).

Истата брзина е забележана и кај Кингсли Коман од Баерн, додека „десетката“ ја комплетираат двајца играчи на Реал, Алваро Одриозола (34,99 км/час) и Начо Фернандез (34,62 км/час).

Моментно најбрзиот фудбалер на светот е далеку од најбрзиот човек на планетата, атлетичарот Усеин Болт кој достигна брзина од 44,72 км на час кога го постави светскиот рекорд на 100 метри (9,58 секунди).