Мбапе конечната одлука за идниот клуб ќе ја донесе откако ќе ја освои титулата во Лига 1

Килијан Мбапе пред одлука дали ќе остане во редовите на ПСЖ/ фото: EPA-EFE/CHRISTOPHE PETIT TESSON

Килијан Мбапе откако ќе ја освои титулата со ПСЖ во Лига 1 самиот ќе каже каде ќе ја продолжи кариерата, тврди тренерот на „светците“, Маурисио Покетино.

Договорот на Мбапе со ПСЖ истекува на крајот од сезоната, а многумина очекуваат дека на лето дресот на „светците“ ќе го замени со дрес на Реал.

ПСЖ исто така не се откажува од Мбапе и се обидува да го убеди да остане на „Паркот на принцевите“ и по летото со најголемата плата во фудбалот. ПСЖ на одличниот напаѓач му дава плата од 150 милиони евра за две години.

Покетино вели дека Мбапе конечната одлука ќе ја донесе откако ПСЖ ќе ја освои титулата, а тоа може да се случи уште вечерва доколку биде совладан Ленс.

– Како тренер, можам да кажам дека оваа ситуација не влијае на мене. Ова не се случува само во ПСЖ, туку и во другите клубови. Ова не е прв ниту последен пат да зборуваме за тоа. Секако дека би сакал Килијан да остане со нас. И клубот би сакал тој да остане тука уште многу години. Одлуката би можел да ја донесе веднаш штом ќе се освои титулата и ќе заврши сезоната – вели Покетино.

Видео на денот