Францускиот шампион не дозволи кикс во второто коло од Лига 1, и со 4:0 го прегази Тулуз, но скапо ја плати победата. Тренерот Томас Тухел остана без двајцата напаѓачи, Единсон Кавани и Килијан Мбапе кои се здобија со идентична повреда, на бутниот мускул на ногата.

Полошо помина, Мбапе кај кого е утврдено кинење на мускулот, повреда која бара најмалку еден месец пауза од фудбалските терени. Ова значи дека Мбапе ќе пропушти најмалку четири средби од домашното првенство, против Мец, Стразбур, Лион и Ремс, премиерниот меч на „светците“ од Лигата на шампионите, како и двете септемвриски средби на француската репрезентација, против Албанија и Андора.

Кај Кавани состојбата е нешто подобра, па лекарите предвидуваат пауза од околу 20 дена.