Маж во Тајланд осуден на смртна казна: Силувал и убил туристка, па дошол дома и гледал телевизија
Тајландскиот суд го осудил на смрт Ронакорн Ромруен (24) поради силување и убиство на млада германска туристка на популарно одмаралиште, пренесува Вашингтон Тајмс.
Полицијата го уапсила во април годинава, откако на остров било пронајдено телото на жртвата, скриено под камења и лисја.
Man sentenced to death for rape and murder of German tourist in Thailand#RonnakornRomruen #Deathsentence #Germantourist #Thailandhttps://t.co/xBM8rBr36P pic.twitter.com/CtRM1xDJtD
— World News Network (@worldnewsdotcom) July 12, 2019
Ромруен признал дека ја силувал 26-годишната Германка Миријам Белте и потоа ја убил, така што ја удрил со камен во глава.
Оваа среда, тој е осуден на смртна казна поради силување, убиство, прикритие на убиство и возење под дејство на метамфетамин.
Турист во Тајланд пријавил во локалната полиција дека го видел Рормуен со облека полна со крв. По дојавата, полицијата го пребарала локалното подрчје на островот Кох Си Чанг и го нашле телото на мртвата туристка.
Потоа тие го уапсиле Ронакорн, кој по четири часа испитување го признал убиството. Тој и раскажал на полицијата дека по силувањето и убиството, се вратил дома, гледал телевизија, односно дека ладнокрвно пушел цигари и си пиел пиво, пренесува Мирор.
Кох Си Чанг е популарно туристичко одмаралиште, во кое живеат околу 5.000 жители. Островот се наоѓа на околу 65 километри јужно од Бангкок.