На експресниот пат Штип-Кочани, во близина на клучката кај Крупиште, денеска околу 13 часот се случила тешка сообраќајка меѓу две товарни возила со беровски и скопски регистарски таблички. На само место загинал 62-годишен возач од Велес, кој управувал со пикап-возило со скопски таблички.

Портапролот на СВР-Штип, Гордана Панајотова, ја потврди информацијата, а Командирот на ТППЕ-Штип, Дарко Коцев вели дека пожарникарите биле повикани во 13.30 часот и учествувале во извлекување на повредени во камионот со беровски регистерски таблички, а во него имало возач и сопатник. Повредените се пренесени во штипската Клиничка болница. Шестмина пожарникари учествувале во акцијата за извлекување на повредените од камионот, кој превезувал жито.

Панајотова информира дека е извршен увид од полицијата и обвинител, а сообраќајот на експресниот пат Штип-Кочани бил во прекин и тој се пренасочувал на стариот пат.

Сообраќајот на експресниот пат Штип-Кочани во прекин поради сообраќајка