Матијашевиќ: Оваа репрезентација заслужува подобар третман
Селекторот на одбојкарската репрезентација, Никола Матијашевиќ е пресреќен за остварениот историски успех и првата победа на Македонија на Европските првенства.
– Мило ми е пред се за луѓето од федерацијата, кои ни овозможија услови за да се пласираме на ова ЕП и добро да се подготвиме за шампионатот. Морам да им честитам на одбојкарите за одличната игра, пресуди нивното срце. Бидејќи слушнав дека имало сомнежи во нашите квалитети, мило ми е што тие луѓе кои не ни сакаат добро ќе мора да препознаат дека оваа репрезентација вреди и заслужува добар третман во Македонија.
Утре играме со Словенија, ќе одиграме најдобро што знаеме и ако ни се укаже шанса ќе гледаме да освоиме барем еден сет. Ако освои еден, ќе се обидеме да дојдеме до втор, зошто да не и до трет– изјави Матијашевиќ по победата над Белорусија.