Матичните лекари сѐ уште чекаат официјални насоки за лекување со лекот „ивермектин“ и негово дозирање. Претседателката на Здружение на матични лекари Лилија Чолакова Дервишова вели дека според упатството, дозирањето со лекот „иверметкин“ е 0,2 мг на килограм телесна тежина.

Може да се препише и кај деца над 17 килограми тежина, но таа лично немала досега искуство во третманот со овој лек.

– Јас лично му се обратив на министерот за здравство, Венко Филипче и побарав да се утврди протокол за лекување со „иверметкин“. Ова е нов лек, за првпат доаѓа во Македонија и не сакаме да експериментираме со него. Се работи за наши пациенти, човечки животи на кои не смееме да експериментираме. Не е дозволиво, како досега сами меѓусебе да се консултираме како треба да дозираме. Ни фалат протоколи за лекување и тоа за три состојби, кај хронични пациенти кои се здрави, за пациенти позитивни на ковид-19, но во почетна фаза и кај тешки пациенти, бидејќи лекувањето за овие три категории не смее да биде исто, децидна е д-р Чолакова.

Според неа, овој лек не треба да го земаат бремени жени, посебно во првите три месеци од бременоста.

Го баравме и го најдовме: „Ивермектин“ има во една аптека на Зегин

Велешанец со сведоштво за „Слободен печат“: Ивермектинот ми го спаси животот