Италијанскиот претседател, Серхио Матарела, на традиционалната церемонија „Вентаљо“ изјави дека вакцинирањето мора да биде морална и граѓанска должност и дека само со вакцинирање може да се победи вирусот. 

„Само со вакцинирање можеме да го победиме вирусот. Имунитетот нас не прави неповредливи и ја намалува можноста за заразување, неговата циркулација и опасноста, поради тоа вакцинацијата е морална и граѓанска должност“ изјави Матарела, пренесува агенцијата Анса. 

На годишната церемонија „Вентаљо“, на која учествувале бројни политичари и функционери од Италија, претседателот Матарела ги потсетил граѓаните дека пандемијата не е завршена и дека вирусот постојано мутира, станувајќи се поопасен. 

„Се надевам дека ќе постои заедничка одговорност. Слободата е задолжителна, но вирусот е тој кој ни ја ограничува слободата. Доколку не му обрнеме внимание, тој може да донесе нови проблеми кон нашите социјални и економски животи“ рече Матарела.