МАСОВЕН ШТРАЈК ВО ФРАНЦИЈА: Милион работници ќе протестираат против најавените промени на пензискиот систем - Слободен печат

МАСОВЕН ШТРАЈК ВО ФРАНЦИЈА: Милион работници ќе протестираат против најавените промени на пензискиот систем

Франција се подготвува за масовен штрајк во кој ќе учествуваат милиони работници во знак на протест против плановите за подоцнежна возраст за пензионирање и намалени пензии.

Во генералниот штрајк ќе бидат вклучени вработените во училиштата и сообраќајот, правниците, медицинскиот персонал, персоналот на аеродромите и други.

Најмасовниот штрајк во последните години во Франција го организираат синдикатите незадоволни од плановите на претседателот Емануел Макрон за универзална бодовна пензиска шема.

Штрајкот се очекува да започне денеска при што некои водачи на синдикатот предупредуваат дека ќе го продолжи штрајкот се додека Макрон не го откаже своите намери за промена на пензискиот систем.

Според анкета, јавната поддршка за штрајкот е 69 проценти, а таа е најсилна кај младите луѓе на возраст од 18-34 години. Голем број на членови на „жолтите елеци” рекоа дека планираат да се приклучат на протестите.

Синдикатите што ги претставуваат вработените во транспортниот сектор – автобуси и железнички персонал – се согласија да штрајкуваат денеска.

Само десет проценти од возовите ќе сообраќаат денеска, а некои регионални линии нема да работат воопшто. Со штрајкот ќе бидат погодени и меѓународни возови како Евростар и Талис.

Во Париз, метро-операторот РАТП ги предупреди патниците да очекуваат сериозни нарушувања во сообраќајот во текот на целиот ден. Од градските 16 метро линии, само пет ќе бидат во функција.

Контролорите на летот исто така се во штрајк, со откажани 30 проценти од домашните летови на Ер Франс, додека Изиџет откажа повеќе од 200 летови.

Во штрајкот ќе бидат опфатени и болничари и болнички персонал, адвокати и полицајци, поштари…

Министерот за здравство соопшти дека засега не е познато колку сериозно ќе бидат погодени болниците од штрајкот, но во тек се подготовките за штрајк. Од штрајкот ќе бидат погодени и родители чии деца одат во основно училиште.

Синдикатите што ги претставуваат средните училишта очекуваат 60 проценти од наставниците да учествуваат во штрајкот, но училиштата треба да останат отворени.

Во моментов Франција има систем од околу десет различни пензиски шеми што Макрон сака да ги обедини.

Прочитај повеќе

Тирана ја убеди и ДП да биде дел од изборната коалиција на Албанците од Прешевската Долина

Слободен печат

Грчката полиција запленила повеќе од 1 тон кокаин, приведени се 8 лица (ВИДЕО)

Двајца од тројцата заболени во Франција пристигнале на аеродром без симптоми

Слободен печат

Касами: БЕСА работи на формирање трипартитна коалиција, но подготвени сме и самостојно да излеземе на избори

Слободен печат

Ватикан го повика ирачкиот претседател да ги заштити христијаните во таа земја

Слободен печат

Остави Коментар

three × three =

Прочитај повеќе

Петровска: Бирото за јавна безбедност веднаш започна истрага за затворената група на „Телеграм“

Слободен печат

Русија го задржува правото на реципрочни мерки кон Бугарија

Слободен печат

Во затворена група на „Телеграм“ македонски средношколци споделуваат експлицитни фотографии од врсници

Слободен печат

Шкријељ: Просечната пензија ја зголемуваме на 15.500 денари од февруари годинава

Слободен печат

Тројца Французи и еден Ирачанец се водат за исчезнати во Багдад

Слободен печат

СЛУЧАЈНОСТ ИЛИ? 1720. чума, 1820. колера, 1920. шпанска треска: ШТО Е СЛЕДНО?

Слободен печат