Поради важноста овој неопходен моден додаток да биде попријатен за носење, помалите и поголемите модни фирми, луксузните модни марки како и „хај стрит“ брендовите, популарни или помалку познати, почнаа да дизајнираат заштитни маски со модерен ефект. Но, освен овие трендовски маски, во модна игра е и оригиналната хируршка маска, доколку може да се дојде до неа.

Да се потсетиме дека на доделувањето на наградите Греми, во јануари, американската пејачка и текстописец Били Ајлиш се појави со маска од марката „Гучи“, додека на својот Инстаграм профил, неколку месеци претходно, позираше со маска од Сваровски.

Меѓу првите брендови кои одговорија со модна реакција на маските за заштита од Ковид-19, беа италијанските модни гигантни Армани, Гучи и Прада.

По нивниот пример, многу други брендови се мобилизираа за да ја направат маската, која се носи секојдневно, што попријатен додаток дури и за очите на обичните луѓе, а не само на лекарите. Њу Баланс неодамна започна со производство на маски за американскиот пазар.

View this post on Instagram

All hands on deck. Our U.S. factories are working to develop, manufacture and deliver facial masks to the hospital community. To learn more, check our link in bio.

A post shared by New Balance (@newbalance) on Mar 27, 2020 at 5:16pm PDT

Некои од популарните модни марки одлучија да произведуваат заштитни маски за оние кои се во првите линии на борба против пандемијата, сепак се повеќе има брендови кои пуштија во продажба трендовски маски, како и маски во различни нијанси, кои се изработени надворешно од памук, а внатрешниот дел е од заштитна ткаенина. Цените се движат од 15-на евра, па нагоре.

Меѓу најпопуларните се маските со колоритни принтови, флорален принт, но и тексас маските.

Во САД пак, едни од најмодерните маски лансираше модната марка Акеш Стајлајнс, предводена од дизајнерката Џенифер Акеш-Барни, родена и израсната во Гана. Нејзините креации прват модерен пресврт на традиционалната африканска шара, која се карактеризира со живописни бои и дезени. Дизајнерката отиде чекор подалеку од колегите, па додаде многу женственост во дизајните – нејзините маски за лице можат да имаат и дополнителна лента за за глава или декорација како марама за вратот. Акеш објаснува дека сака маските да им овозможат на нејзините клиенти заштита без да го ѓртвуваат стилот. Бидејќи мисијата на оваа марка е да ги поддржи жените во самоизразувањето, во САД овие маски се познати и како „Пауер Маск“.