Шефот на германската дипломатија, Хајко Маас, вчера го повика Иран да го прифати дипломатскиот совет што доаѓа од Западот, за да се зачува нуклеарниот договор од 2015 година.

Тој го обвини Техеран за натамошното прикривање на транспарентноста што од Иран се бара според договорот, откако Исламската република од вторникот почна да им забранува на меѓународните инспекции да ги посетуваат нуклеарните постројки, пренесуваат американските медиуми.

„На крајот Иран ќе мора да сфати дека е важно да се смират тензиите и да се прифати понудата за дипломатското решение, што е на маса, вклучувајќи го и тоа од САД“, рече Маас.

Кршењето на договорот претставува сериозен проблем за американскиот претседател Џозеф  Бајден, кој сака да ја поништи одлуката на неговиот претходник Доналд Трамп, кога САД еднострано го напуштија  договорот со Иран, а Вашингтон воведе економски санкции против земјата.