Победата на Јунајтед му ја донесоа Антони Марсијал и Хари Мегваер. Марсијал погоди за водство на Јунајтед во самиот финиш на првото полувреме по одличниот центаршут на Ван Бисака.

Интересно е што Марсијал стана третиот фудбалер на Манчестер јунајтед кој постигнал гол против Челси во иста сезона и на „Олд трафорд“ и на „Стемфорд бриџ“, по Ерик Кантона и Вејн Руни.

Победата на „црвените ѓаволи“ ја завери Хари Мегваер со својот прв гол во дресот на Јунајтед.

Сепак, победата на Манчестер јунајтед ќе помине во сенка на одлуките од ВАР собата бидејќи на Челси му беа понуштени дури два гола.

Првиот гол на Курт Зума во 56. минутра беше поради прекршок, додека голот на Оливие Жиру беше поништен поради милиметарски офсајд.

Со оваа победа Манчестер јунајтед се врати во игра за освојување на четвртото место, тие со 38 бодови се седми на табелата, додека Челси кој е четвртопласиран има три бода повеќе.