Дефанзивецот на Реал Мадрид, Марсело кој вчера по подолга пауза конечно заигра за Реал Мадрид, нема да биде дел од „кралскиот“ тим во реваншот од полуфиналето од Лигата на шампионите против Челси наредната недела и тоа поради крајно бизарна причина. Имено, Марсело е делегиран да присуствува на локалните избори во Мадрид кои се закажани за 4 мај, еден ден пред реваншот со Челси во Лондон.

Како што е најавено, Реал Мадрид и самиот фудбалер поднесоа жалба на оваа одлука, но таа беше отфрлена бидејќи играњето фудбалски натпревар не е доволно силна причина за Марсело да го избегне повикот да биде делегат на локалните избори во Мадрид.

неиграњето на Марсело ќе претставува голем проблем за тренерот Зинедин Зидан бидејќи првиот избор на левата бековска позиција Ферлан Менди е повреден и се уште е неизвесен за настап идната недела.