Марота се откажа: Јувентус ја освојува титулата
Со вечерашното дерби помеѓу Интер и Рома стартува 15. коло во Серија А каде изненадувачки, на првото место се наоѓаат токму „нероаѕурите“ со еден бод предност во однос на Јувентус.
Најзаслужен за одличните игри на Интер сезонава покрај тренерот Антонио Конте е и директорот Бепе Марота кој направи неколку одлични потези во летниот преоден рок. Сепак, иако е лидер на табелата, Марота смета дека неговиот тим нема да го освои скудетото, туку титулата повторно ќе ја освои Јувентус.
– Досега се одиграни 14. кола, но знаеме дека освојувањето на Скудетото во првата сезона е речиси невозможно. Јувентус има два тима, имаа квлаитет играч на секоја позиција и мислам дека повторно ќе ја освојат титулата. Во секој случај мора да признаам дека не очекував ваков добар учинок од Конте во неговата прва сезона на клупата на Интер – изјави Марота.
Доминацијата во Серија А на Јувентус трае веќе осум години, но Интер засилен од поранешното дуо од Јувентус, Конте на клупата и Марота во управата, е повеќе од достоен ривал.