Спортскиот директор на Интер, Џузепе Марота верува дека ќе успее да пронајде формула со која поранешниот капитен Мауро Икарди ќе го напушти клубот до крајот на преодниот рок.

Икарди бидејќи не сакаше да потпише нов договор со Интер, а потоа и ги одбиваше понудите за да го напушти клубот, не се наоѓа во плановите на тренерот Антонио Конте. Тој веќе поднесе тужба против Интер, но Марота се надева дека ќе се пронајде решение на задоволство на двете страни.

– Имаме уште три дена до крајот на преодниот рок, но се надевам дека се ќе се реши на позитивен начин. Не можеме да зборуваме јавно, но ние работиме одговорно и за доброто на клубот – вели Марота.