Мароко до историско полуфинале со само еден примен гол на Светското првенство
Мароко во четвртфиналето на Мундијалот во Катар ја совлада Португалија со 1:0 со голот на Ен-Несири во 42 минута.
Мароканците се првата репрезентација од Африка во историјата која се пласирала во полуфинале на светските првенства.
За пласман во големото финале в среда со почеток од 20.00 часот играчите на селекторот Валид Реграги ќе играат против актуелниот светски шампион Франција, а еден ден порано во првото полуфинале Хрватска ќе игра против Аргентина.
Од почетокот на Светското првенство до пласманот во полуфиналето мароканските фудбалери примија само еден гол. И тоа автогол на Најеф Агерд во групната фаза во победата над Канада (2:1).
Последниот пораз Мароко го имаше на контролниот меч годинава на 1 јуни од САД во Синсинати (3:0).
Светско првенство 2022 Катар
Групна фаза
Мароко – Хрватска 0:0
Мароко – Белгија 2:0
Мароко – Канада 2:1
Осминафинале
Мароко – Шпанија 0:0 (3:0 пенали)
Четвртфинале
Мароко – Португалија 1:0