Марко е нашиот херој! Тој го прекина маратонот, но испрати МОЌНА порака!
Малиот херој Марко Пејчиновски беше приморан да го прекине соло-маратонот поради болки во ногата.
„Желбата и волјата се крилја за големи дела.“
Нашиот Марко имаше силна желба и цврста волја да плива делница која е вистински предизвик за професионалните маратонци, а не за еден тринаесетгошник. Сепак, поради силни болки во ногата беше приморан да го прекине соло маратонот во должина од 64 километри кој го посвети на лицата со ретки болести. Марко изминаа 4 часа и 49 минути во водите на Охридското Езеро и мина 11 километри и 840 метри.
Утре сите заедно да ја дадеме нашата поддршка, да придонесеме за подигнување на свеста за ЛИЦАТА СО РЕТКИ БОЛЕСТИ и да бидеме НИЕ тие што ќе ја направат разликата!, соопштија од тимот на Марко.
Марко Пејчиновски синоќа нешто пред полноќ по речиси петчасовно пливање, го прекина маратонот долг 64 километри на релација Охрид-Свети Наум-Струга-Охрид, поради болки во ногата.
Сепак, тој успеа да ја испрати неговата порака: „Care for rare“, односно да се крене свеста за лицата со ретки болести.