Маркез пред Роси до пол позиција на Силверстоун – Слободен печат
ОстанатoСпорт

Маркез пред Роси до пол позиција на Силверстоун

Актуелниот шампион на легендарната патека имаше за четири десетинки подобро време од второпласираниот Валентино Роси на „Јамаха“.

Членот на „Хонда“, Марк Маркез ќе стартува од пол позицијата на 12 трка сезонава во Мото ГП шампионатот кој што в недела ќе се вози за Големата награда на Велика Британија.

Во првиот ред на стартот од главната трка, в недела од 14.00 часот, ќе се најде уште Џек Милер кој ги брани боите на „Прамак Дукати“.

Австралиецот за само 10 илјадити делови од секундата беше пред Фабио Квартараро на „Петронас Јамаха“, а разликите меѓу возачите кои следуваа исто така беа мали.

Помалку од шест десетинки ги делеа првите седум натпреварувачи, а зад Квартараро се најдоа Алекс Ринс на „Сузуки“, вториот возач на „Јамаха“, Маверик Вињалес и Андреа Довициозо на „Дукати“.

Во генералниот пласман моментно води Маркез со 230 бодови, пред Довициозо кој има 172.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close