Марино: Белгијците откажаа, и Премиер лигата ќе го направи истото!
– Само се надевам дека ќе можеме да уживаме во фудбал после коронавирусот – вели спортскиот директор на Удинезе, Пиерпоало Марино.
Со оглед на тоа што Удинезе и Ватфорд се наоѓаат во сопственишто на семејството Поцо, Марино преку сигурни извори тврди дека Премиер лигата ќе биде откажана поради сериозната ситуација со коронавирусот.
– Белгијците веќе ја откажаа сезоната, без оглед на опомените од УЕФА. Во Англија, Премиер лигата ќе излезе со исто соопштение, бидејќи ситуацијата е навистина сериозна. Само се надевам дека ќе можеме да уживаме во фудбал после коронавирусот. Сите сакаме повторно да си биде нормално. Воедно загрижен сум и за наредната сезона, не само за тековната – рече Марино.
Premier League ‘to release statement ENDING season’ due to coronavirus uncertainty, claims Serie A chief Marino – The Sun https://t.co/cple3DqP2q
— MAJID (@MajidClassy) April 8, 2020
Но, после опомените од УЕФА, Белгијците повторно ќе разговараат и можно е да ја променат својата одлука.
Во меѓувреме клубовите од Англија бараат решенија да ја завршат сезоната со цел да се намали загубата на финансиски план колку е тоа можно поради што изјавата на Марино треба да се земе со „резерва“.
Инаку, Ватфорд е во опасната зона скоро цела сезона, затоа можеби и не чуди зошто семејството Поцо повикува на поништување на сезоната.