Најпознатата српска авторка на музички текстови претходно призна дека лекувањето и е скапо и тешко. Многу и значи поддршката од семејството, а борбата со подлата болест ја опиша како процес кој мора да го пројде…

Марина Туцаковиќ (67), најпознатата српска авторка на музички текстови, со години се бори со ракот. За српските медиуми таа зборуваше за својата здравствена состојба и како моментално се чувствува.

„Искрено, онака. Поминувам низ хемотерапија и ќе видиме што ќе биде. Искрено, не можам да кажам дека се чувствувам подобро. Не размислувам за тоа како се чувствувам во психолошка смисла, некогаш сум оптимистична, а некогаш не“, изјави Марина.

Важна ѝ е поддршката од семејството, но вели дека веќе се навикнала на оваа борба.

„Кога се чувствате лошо, никој и ништо не може да ви помогне. Тоа е процес кој мора да се помине“, додаде таа.

Марина изјави дека пандемијата на коронавирусот лошо влијаела на нејзините финансии. Па призна дека лекувањето ѝ е тешко и скапо, но благодарение на приходите кои ги остварува од авторските права успева некако да исплива на површина.

Туцаковиќ наведе дека пријателите и соработниците ѝ понудиле помош кога се разболела и дека поради тоа им е многу благодарна.

„Не знам какви се туѓите приходи во оваа ситуација, но моите се навистина скромни. Не сакам да барам помош, бидејќи сите мои соработници сега се во незавидна ситуација“, заклучи Марина.

Преземено од Еспресо.мк