Маричиќ: Правда за сите – прочистувањето на правосудството е број 1 на листата на приоритети
Актуелниот министер за правда Бојан Маричиќ на својот фејсбук профил вели дека прочистувањето на правосудството е број 1 на листата на приоритети за идната година.
Маричиќ исто така ја поздрави одлуката на Судскиот совет да ја усвои методологијата за оценување на работата на судиите.
-Сметам дека ова е голем чекор кон конечното враќање на изгубената доверба во правосудството. На 28 декември Советот за реформи во правосудството ќе ја потврди целосната методологија за филтрација на судството и обвинителството. Правда во Северна Македонија ќе има. Правда за сите!- напиша Маричиќ.
Судскиот совет на Македонија ги усвои Методологија за оценување на работата на судија врз основа на исполнетост на квалитативните критериуми за судиско работење и Образец за оценување и бодување на исполнетост на квалитативните критериуми за работата на судијата, како и Методологијата за квалитативно оценување на претседателите на судовите и Образецот за квалитативно оценување на претседатели на судовите.
Како што е објавено на веб страната на Судскиот совет, на седницата одржана на 18 декември, усвоени се и Упатството за начинот на пресметување на ефективни работни часови, Програма за работа на Судскиот совет на Република Северна Македонија за 2021 година, како и Интерниот план за следење и за оценување на работата на судовите, судиите и претседателите на судовите за период од 01.01.2021 додина до 31.12.2021 година.