Маричиќ: Oтворањето на преговорите со ЕУ ќе биде дополнителен мотив за подлабоки реформи во судскиот систем

Бојан Маричиќ, министер за правда/Фото: Слободен печат/Драган Митрески

Министерот за правда Бојан Маричиќ денеска учествуваше на онлајн конференција на министрите за правда, што се одржува под покровителство на грчкото претседателство со Советот на Европа.

Во обраќањето пред своите европски колеги, министерот Маричиќ се осврна на потребата од зголемување на довербата која граѓаните ја имаат во правосудниот систем.

Тој, како што соопшти Министерството за правда, истакна дека зголемената отвореност и транспарентност на судството и обвинителството се клучните принципи на која се темели реформата и неговата мандатна мисија, чија главна цел е зголемување на довербата.

Маричиќ нагласи дека земјава останува посветени на реформскиот процес од Поглавјето 23: Правосудство и фундаментални правда во блиска координација и партнерство со Брисел и Стразбур. Патот на евроинтеграцијата за нас е невообичаено долг, но, потенцира тој, посветеноста да се стане членка на ЕУ, секогаш била присутна и силна.

– Северна Македонија се согласи со новата преговарачка методологија и посилно партнерство со ЕУ и се надеваме дека историските прашања нема да бидат пречка за подобра иднина на земјата и регионот, рече министерот Маричиќ.

Како што се наведува во соопштението, покрај сите турбуленции, Северна Македонија очекува отворањето на преговорите за пристапување кон ЕУ, а тесната соработка со институциите на ЕУ да бидат дополнителен, моќен мотив за подлабоки реформи во судскиот систем.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот