-1 C
Скопје

Маричиќ: Имаме веќе разрешување на осум судии, покренати се 80 дисциплински постапки

Основна задача ни е на дело да покажаме дека се подига довербата на граѓаните во судството. Тоа не се постигнува ако се грижиме за привелегии, за високи плати, или ако не се грижиме за правата на граѓаните, или ако правосудниот систем не испорачува правда, изјави министерот за правда, Бојан Маричиќ, во интервјуто за телевизија Стар.

-Едно е сигурно, мора да бидат транспарентни и судовите и обвинителствата, да бидат одговорни, да нема засатрување на постапки, ниту да има игнорирање на позицијата на која било странка во постапката. Затоа имаме јасен план за проверка на работата на судиите и обвинителите, тоа го работиме заедно со Советот на судии и Советот на јавни обвинители. Со тоа имаме намера сите да се чувствуваат поодговорни, да учествуваат во креирање на големата слика. Ние во изминатите три години имаме судски пресуди кои што укажуваат на тоа дека навистина нема недопирливи, и ние со тоа покажуваме чекори напред- вели Маричиќ.

Прочитајте и...  Професионалните војници на крајот на ангажманот ќе можат да добијат по 1.000 евра за секоја година минат труд

Тој нагласи дека прочистувањето во судството нема да биде класичен ветинг, како во Албанија, но, дека крајната цел е да се направи одговорно и отчетно судство.

-Владата е тука да им ги подобри капацитетите на судовите и на обвинителствата, но тие да ја потхранат работата, да ја зголемат одговорноста, да ја претстават својата работа таму каде што треба, а негативните појави да се испрваат и да се корегираат. Тие што не заслужуваат да не се дел од ситемот понатаму. Откако се донесени некои законски измени, имаме веќе разрешување на осум судии и веќе 80 дисциплински постапки се покренати. Кај судиите тоа оди побавно заради процедурата. Имаме неколку крупни имиња кои не се дел од судството, како Панчевски, Вангеловски и други, и тоа е добар почеток да се врати довербата кај граѓаните, но тоа не е доволно за вкупниот впечаток. Граѓаните очекуваат судиите да работат независно, но и да се одговорни. Јас немам тефтерче за судии, тие тефтерчиња се кај Советот на јавни обвинители и кај Судскиот совет. Ако граѓаните видат видливи резултати, препознаат дека имаме професионален пристап, делата се спроведуваат на време, законот важи за сите, дека имаме неселективен пристап за поранешни и актуелни функционери… Затоа велам судството мора да биде поодговорно кон граѓаните и да чувствува потреба да кажува јавно како и што работи, рече Маричиќ.

Прочитајте и...  Директорот на АстраЗенека: ЕУ потпиша договор со нашата компанија три месеци после Велика Британија

На крајот тој истакна дека професионалните и добрите судии и обвинители, оние кои не се засегнати од прочистувањето и кои навистина сакаат да помогнат во реформите, се на страната на граѓаните и на страната на Владата затоа што се свесни дека целиот процес е заедничка мисија и дека е важно на крајот да се воспостави одоговорен и отчетен систем.

Поврзани вести

ВИДЕО: И покрај строгите епидемиолошки мерки со црковни ѕвона и пред илјадници луѓе, Вучиќ го откри споменикот на Стефан Немања во Белград

Слободен печат

Трајанов: Попишувачите да бидат вакцинирани

Слободен печат

Заев најави изборен српски јазик во училиштата, Ковачев посакува бугарски со иронична честитка

Слободен печат

Недолични фотографии повторно кружат на интернет: „Јавна соба“ стана јавен срам

Како успеа Израел да обезбеди повеќе вакцини отколку што е потребно?

И.И.

Со години боледуваше од Кронова болест, почина пејачот Игор Пармаковски

Слободен печат

Остави Коментар