9 C
Скопје

Маричиќ: Да не го бараме проблемот во законите, туку да се погрижиме истите да бидат дословно спроведени

Министерот за правда Бојан Маричиќ во рамките на конференцијата „Премостување на јазовите помеѓу формалните процеси и неформалните практики кои ја обликуваат судската култура на Западен Балкан”, која се одржа во организација на Институтот за демократија „Социетас цивилис”, кажа дека судството во земјата ќе биде филтрирано, меѓу другото и со цел да се зголеми довербата која ја имаат граѓаните во правосудниот систем.

– Процесот на филтрирање на судството и обвинителството, меѓу останатото, треба да нѝ покаже дали имаме сериозен проблем со неформалниот кодекс на однесување. Овој процес веќе го најавивме и очекуваме набрзо да ја објавиме методологијата по која сметаме дека треба да се спроведе. Секако овој процес ќе го води Судскиот совет и Советот на јавни обвинители. Целта е да се зголеми довербата во правосудниот систем преку одвојување на судиите и обвинителите кои совесно и одговорно си вршат работата, од оние кои тоа не го прават, истакна Маричиќ.

Прочитајте и...  Свеченост во Владата: Вицепремиерот Димитров ја потпиша Рамковната спогодба за превод на правото на ЕУ

Според министерот, како што соопшти Министерството за правда,  улогата на Министерството за правда и Владата не е да пресудува, да суди и да се меша во конкретни судски случаи, тука да учествува во изградбата на систем на правдата, којшто ќе испорачува, ќе биде ефикасен, одговорен и транспарентен, а филтрирањето е само еден од чекорите во остварувањето на таа цел.

Маричиќ во своето обраќање на конференцијата посочи и дека во иднина особено внимание ќе се посвети на целосна имплементација на донесените закони.

-Ако законите се темелот на правосудството, судската пракса или култура се неговата душа. За подобрување на состојбите во правосудството повеќе не треба да се огледуваме и да го бараме проблемот во законите, туку да се погрижиме истите да бидат дословно спроведени, кажа Маричиќ.

Прочитајте и...  Заев: Во февруари се очекуваат договорените количини вакцини со Фајзер, а деновиве и првите две-три илјади од договорените 8.000 со Србија

Поврзани вести

Новата зграда на ЕЛЕМ ќе остари додека добие употребна дозвола

Весна Дамчевска

Ако нема „брат за брат“, барем да има „сирење за пари“

Соња Христовска Угриновска

Попишувачите гарантираат безбедност, а бојкотот казна

Весна Тодоровска

На денешен ден – 23 јануари

Слободен печат

Во прогонство помина осум години, денеска се празнува големиот епископ Ниски

Слободен печат

Израел собори дрон од Либан

Слободен печат

Остави Коментар