Марго Роби прозборе за бракот и различностите со својот сопруг Том Акерли
Марго Роби неодамна гостуваше во шоуто „The Late Late Show“ и прозборе за нејзиниот сопруг Том Акерли. Актерката го сподели овој редок увид во личноста на нејзиниот сопруг кој е продуцент.
Имено, Маргот се омажи во 2016 година и оттогаш го држи приватниот живот подалеку од очите на јавноста. Парот се запознал на снимањето на филмот „Suite Francaise“ во 2014 година.
Роби објасни дека пораснала околу „купишта див свет“ во Австралија и се навикнала да гледа влекачи. Акерли? Не толку многу.
„Мојот сопруг мрази змии“, му рече ѕвездата на водителот Џејмс Корден. „Тој е Англичанец. Вие очигледно немате влечуги во Англија. Но, насекаде се! Јас живеам во Лос Анџелес, пред некој ден во градината ни се појави змија од 2 метри… Тој за малку ќе добиеше инфаркт“, вели актерката за нејзиниот сопруг.
View this post on Instagram
„Јас бев многу посветена на „сингл“ живот. Ми се повраќаше од врски“, во една прилика изјави актерката.
„И тогаш се појави ова, скоро неосетно. Долго време бевме пријатели. Отсекогаш бев за вљубена во него, но си мислев: „Никогаш нема да ме сака. Не прави чудни работи, Марго. Не биди глупава и кажи му дека ти се допаѓа“. И тогаш се случи, и мојата реакција беше: „Се разбира дека сме заедно. Ова има толку многу смисла, ништо пред ова не било вака“, вели Роби.