Поранешниот шампион на Вимблдон, Енди Мареј по голема драма успеа да се пласира во третото коло на најпрестижниот грен слем турнир, откако со пресврт го совлада Оскар Оте. Мареј славеше во пет сета со 6:3,4:6,4:6,6:4,6:2.

Иако по првиот сет сите помислија дека Мареј ќе дојде до лесна победа над квалификантот од Германија, наскоро се свртеа работите. Оте во вториот сет губеше со 1:3 но тогаш освои четири гема по ред и по освоениот втор сет, успеа да го слави и во третиот и да поведе со 2:1. Оте во четвртиот сет направи брејк со кој поведе со 2:1, но Мареј одговори со рибрејк, а потоа успеа да ги сврти работите во своја користи, го натера противникот на чести грешки по што не му претставуваше проблем да дојде до конечен тирумф.

Британецот во третото коло го очекува 10 носител, Денис Шаповалов од Канада.
Пласман во третото коло обезбедија и Андреј Рубљов кој во три сета го совлада Харис од Јужна Африка, Шварцман со 3:1 во сетови беше поуспешен од Броади, Тиафо го совлада Поспишил, додека Фоњини беше подобар од Ѓере од Србија.
Кај дамите, елиминирана е поранешната шампионка, Венус Вилијамс која загуби со 7:5,6:0 од Онс Жабер, но затоа сигурни беа Каролина Плишкова, Слоун Стивенс и Гарбине Мугуруза кои славеа во два сета.