Портланд треилблејзерс и Денвер нагетс одиграа историски натпревар со четири продолженија, а на крајот триумфот од 139:137 му припадна на домашниот тим и поведе со 2:1 во победи.

Центарот на Денвер, Никола Јокиќ на теренот мина неверојатни 65 минути, највеќе во историјата на НБА лигата.
Токму Јокиќ имаше можност да го однесе натпреварот и во петто продоление но промаши едно слободно фрлање во финишот, а Сет Кари на спротивната страна беше прецизен и ја завери победата на Портланд.

СиЏеј МекКалум со 41 постигнат поен беше најпрецизен на натпреварот, додека Демиен Лиларс уфрли 28 поени. Во редовите на Денвер, Јокиќ оствари „трипл-дабл“ од 33 поени, 18 скокови и 14 асистенции, а Џамал Мареј даде 34 поени.

Милвоки бакс поведе со 2:1 во победи против Бостон селтикс, откако како гости славеа со 123:116.
Како по обичај, најдобар во редовите на Милвоки беше Јанис Адетокумпо со 32 поени, 13 скокови и 8 асистенции, а голам помош имаше и од Џорџ Хил и неговите 21 поен.
Кајри Ирвинг со 29 поени и Џејсон Тејтум со 20 поени беа најрасположени за игра во Бостон.