Диего Марадона седна на клупата на Гимназија Ла Плата во септември 2019 година кога екипата беше последната на табелата во аргентинската лига.

Во меѓувреме, популарниот Ел Пибе успеа да ја подобри играта и да ги поправи резултатите по што Гимназија до прекинот на првенството поради пандемијата на коронавирусот дојде до 19. позиција од 24. екипи.

Тоа беше доволно за челниците на екипата да му понудат нов договор на Марадона, кој со задоволство го прифати и во наредната сезона повторно ќе го предводи тимот од Ла Плата.

Аргентинската влада и фудбалската федерација на оваа јужноамериканска земја одлучија актуелната сезона да се поништи поради пандемијата на коронавирусот и да не биде прогласен шампион, како и да не нема испаѓање од лигата.