МАР бара повлекување на Предлог измените на Законот за минерални суровини

Во земјава има рудници што вработуваат по 13.000 лица, а годишно се извезуваат обоени метали во вредност од 300 милиони американски долари.

Македонската асоцијација за рударство (МАР) при Стопанската комора на Македонија бара да се повлече од собраниска процедура Предлог-законот за изменување и дополнување на Законот за минерални суровини што се носи по скратена постапка и на носењето да му претходи јавна расправа на која сите засегнати страни ќе ги претстават своите аргументи.

Сметаат дека ова законско решение не може да се носи по скратена постапка и оти евентуалните измени на законот би требало да бидат само во делот на усогласување со Законот за прекршоци. Велат дека воопшто не биле консултирани при носењето на измените и додаваат дека државата нема став и стратегија дали и требаат рудници или не и што ќе значи нивното затоврање за економијата.

Како што рече претседателот на МАР Николајчо Николов на денешната прес-конференција, не се согласуваат со делот на Предлог законот со кој се дава можност еднострано да се раскине концесијата со концесионерот доколку жителите во населеното место што е блиску до концесијата побараат нејзино раскинување поради загрозенато здравје и безбедност. Бараат прво да се одредат критериуми што точно значи поимот нарушување на животната средина и загадување за да може еднострано да се раскине договорот во спротивно сметаат дека законот ќе стане неприменлив.

Прочитајте и...  Откриено присуство на геноми на коронавирусот во отпадните води во Солун

– И во постојното законско решение има можност за раскин на концесијата доколку не се спроведуваат договорените обврски. Неисполнувањето на обврските од А и Б интегрираната еколошка дозвола може да биде причина за раскин на концесијата, но не и мислење кое може да биде субјективно од различни причини. На инсекциските органи не им се нужни измени на Законот за да одземат концесија. Тоа може да го направат и врз база на постојниот Закон само треба да има нарушување на договорните обврски, рече Николов и додаде дека треба само да се зајакнат капацитетите на инспекциските органи.

Тој посочи дека е различна постапката за добивање концесија за рудници за обоени метали и за каменоломи.

Прочитајте и...  Во Делчево избирачките места отворени навреме, гласањето се одвива во најдобар ред

– Лично мислам дека не треба да има рудници каде населението не сака. Не може по секоја цена да се отвораат рудници, но откако ќе се добијат сите документи не може заради нечив интерес да се раскинува концесијата. Не сме против да се раскинуваат договорите, но не на ваков начин. Законот мора да даде можност да се решава само врз пишани документи во кои точно ќе биде наведено што значи нарушување на животната средина и какви параметри треба да има за да се смета дека се врши загадување. Затоа не треба во ист кош да се ставаат сите концесии, потенцира Николов.

Порача дека во околината на Бучим има многу почиста животна средина отколку во Скопје и додаде дека никогаш не е поголема концентрацијата на ПМ 10 честички од 30 микрограми на кубен метар.

Прочитајте и...  СИРИЗА: Владата на Мицотакис опуштена додека се зголемува бројот на нови случаи на Ковид-19

За концесиите за експлоатација на песок од речните корита и до речните корита рече дека се злоупотребуваат и оти треба да се стави ред, бидејќи, како што кажа, концесионерите не експлоатираат тоа што им е дадено, туку тоа што им треба. Според него, тоа многу лесно може да се утврди од страна на инспекциските органи и да биде причина за да им се одземе концесијата.

Во одговор на прашање за одземањето на концесијата на рудникот Казандол рече дека најверојатно се прави заради неисполнување на договорните обврски и временски рокови и додаде дека постапката за отворање на рудникот беше по најсовремени еколошки стандарди.

Во земјава има рудници што вработуваат по 13.000 лица, а годишно се извезуваат обоени метали во вредност од 300 милиони американски долари.

Прочитај повеќе

Новаковски: Шпекулациите кои се појавија овие два дена околу резултати од гласањето се апсолутна лага!

Слободен печат

Полицајка убила маж по расправија за неносење маска

Слободен печат

Трамп: Нема да има втора фаза на трговскиот договор со Кина

Слободен печат

По два часа гласање излезноста во Гевгелија над 10 отсто

Слободен печат

Андоновиќ: Светот за првпат во историјата спроведува избори во услови на пандемија (ВИДЕО)

Слободен печат

Макрон синоќа имал директен и опасен контакт со жолтите елеци во Париз (ВИДЕО)

МИА Агенција

Остави Коментар

Прочитај повеќе

Јавните паркинзи во Скопје денеска бесплатни

Слободен печат

ЈО: Две лица со автомобил растурале пропаганден материјал-флаери на една од коалициите

Слободен печат

МВР: Досега нема регистрирано нарушување на јавниот ред и мир на гласачките места

Слободен печат

ДИК: Изборниот процес тече без проблеми

Слободен печат

Трагедија во Србија: Петчлено семејство настрада во страотна сообраќајка, бебе и 8-годишно дете загинаа на самото место

Слободен печат

Цивил: Во Чаир членовите на ИО не ги почитуваат мерките за заштита од коронавирусот

Слободен печат