Мане и официјално е нов фудбалер на Баерн
Германскиот шампион Баерн Минхен денеска и официјално го реализира трансферот на Садио Мане кој пристигна од Ливерпул. Германскиот шампион на Ливерпул му плати 32 милиони евра, а сумата може да се зголеми за дополнителни девет милиони доколку се реализираат бонусите.
Мане вчера ги помина лекарските прегледи, а денеска и официјално беше претставен како нов фудбалер на Баерн Минхен.
– Среќен сум што станав фудбалер на Баерн Минхен. Многу разговарав со претставниците на екипата, ме радуваше интересот на клубот. Мислам дека е вистинско време за нови предизвици, сакам да остварам успеси со Баерн – е првата изјава на Мане како нов фудбалер на Баерн.
👋 Servus, Sadio #Mané! 🔴⚪
🔗 https://t.co/8Nf1NwB26l#ServusMané #MiaSanMia
— FC Bayern München (@FCBayern) June 22, 2022
Задоволство од трансферот на Мане искажаа и челниците на Баерн Минхен.
– Воодушевени сме со доаѓањето на Мане. Малку играчи има како него и сигурни сме дека во наредните години Мане ќе ги израдува навивачите на Баерн. Тој е амбициозен и сака да освојува титули со Баерн. Со играчи како него, сите цели на Баерн се реални – изјави Оливер Кан, генерален директор на Баерн.