Репрезентацијата на Италија одигра одлично во квалификациите, заедно со Белгија се двете селекции кои имаа максимален скор во квалификациите (10 победи во 10 натпревари).

„Аѕурите“ на ЕП се наоѓаат во Групата А заедно со уште Турција, Швајцарија и Велс, но никој не верува дека континенталниот собир ќе започне на 12 јуни поради пандемијата на коронавирус.

– Не знам како сево ова ќе се заврши, впрочем никој не знае. Без сомнение имаме далеку поважни работи од Европското првенство. Дури и да се одложи ЕП, ние можеме да триумфираме наредната година. Но, сега е најважно здравјето и што побрзо да се вратиме на теренот – изјави Манчини.

УЕФА за утре закажан итен состанок со сите земји членки на кои ќе биде одлучена судбината на Европското првенство.