Манчевски не се откажува: Ќе има префрлање на административците (ВИДЕО)
Реформата на администрацијата, префрлањето на административци од јавен во приватен сектор, ќе започне и ќе заврши на крајот на оваа година, најави министерот за администрација и информатичко општество, Дамјан Манчевски.
Тој на денешната дебата за измени на Законот за вработени во јавен сектор и Законот за администрација, изјави дека, пред нешто да се одлучи, за промените на законите кои ги таргетираат административците, ќе се консултира со сите засегнати страни.
На дебатата се обрати и директорот на Агенцијата за администрација Спасе Глигоров, кој рече дека потребни се измени на законите за администрација во три сегменти, во постапката за вработување на административните службеници, постапката за унапредување и во делот на заштита на правата на административците.