Менаџерот на Манчестер сити, Пеп Гвардиола го контактираше фудбалерот на Пари Сен Жермен Нејмар за да го праша дали бразилскиот репрезентативец планира да го напушти францускиот клуб на крајот на сезоната, пренесува „Л`Екип“.

Нејмар (31) има договор со Пари Сен Жермен до 30 јуни 2025 година, но француските медиуми велат дека управата на „светците“ не смета на бразилскиот репрезентативец во следната сезона.

Гвардиола планира да потпише засилување во летниот преоден рок и сака да знае дали Бразилецот е заинтересиран да ја продолжи кариерата во Премиер лигата.

Нејмар пристигна во ПСЖ во август 2017 година од Барселона за 222 милиони евра.

Тој моментно е надвор од терените, односно се опоравува од повредата. Оваа сезона одигра 29 натпревари за францускиот шампион во сите натпреварувања со постигнати 18 гола и 17 асистенции.