Манчестер јунајтед му нуди продолжување на договорот на Пол Погба на пет години, и доколку францускиот играч од средниот ред истиот го прифати, тој ќе стане најплатениот играч на клубот.

Поточно, Јунајтед на Погба му нуди продолжување на соработката, според која ќе му се плаќа 400.000 фунти неделно (околу 470.000 евра).

Ова претставува значително зголемување на платите за францускиот интернационалец, кој во моментов игра за 290.000 фунти неделно или околу 340.000 евра.

Во моментов најплатениот играч меѓу „црвените ѓаволи“ е голманот Давид де Геа со околу 440.000 евра неделно.

Погба има уште една година од договорот со Јунајтед, и веќе долго време се поврзува со заминување од „Олд Трафорд“.

Доколку не го потпише новиот договор, следната година би можел бесплатно да го напушти клубот, кој го ангажирапе фудбалерот за тогаш рекордно висок трансфер вреден 105 милиони евра.